झापा एक्सप्रेस , १९३८६९ पटक हेरिएको
झापा कमल गाउँपालिका–४ की निमकुमारी रायाले सहारा नेपाल बचत तथा ऋण सहकारी संस्थाबाट मृत्यु राहत स्वरूप एक लाख पाँच हजार रुपैयाँ प्राप्त गरेकी छिन्।
सहकारीले सञ्चालन गर्दै आएको कर्जा सुरक्षा कार्यक्रम अन्तर्गत सदस्य वा सदस्यका पति–पत्नीमध्ये एकको मृत्यु भएमा लिएको सम्पूर्ण कर्जा मिनाहा हुने र राहतस्वरूप निश्चित रकम उपलब्ध गराउने व्यवस्था छ। सोही अनुसार निमकुमारी रायालाई उक्त राहत रकम प्रदान गरिएको हो।
राहत रकम कमलस्थित सहारा नेपाल साकोस सेवा केन्द्रका प्रमुख विकास गिरीले कार्यालयमै एक कार्यक्रमका बीच हस्तान्तरण गरेका हुन्।
श्रीमानको असमयिक निधनपछि निमकुमारी गहिरो मानसिक र आर्थिक पीडामा थिइन्। यस्तो कठिन समयमा सहकारीबाट प्राप्त राहत सहयोगले आफूलाई ठूलो राहत मिलेको उनले बताइन्।
सहारा नेपाल साकोसले कर्जा लिँदा सदस्यको जीवन सुरक्षालाई ध्यानमा राख्दै यस्तो कार्यक्रम सञ्चालन गर्दै आएको छ। संस्थाले यसअघि पनि विभिन्न वडाका सदस्यहरूलाई यस्तै राहत उपलब्ध गराउँदै आएको जनाएको छ।
सहकारी क्षेत्रको उत्तरदायी व्यवहार र सामाजिक उत्तरदायित्व निर्वाह गर्ने उदाहरणस्वरूप यो कार्यलाई स्थानीयले सकारात्मक रूपमा लिएको छन्।
प्रकाशित मिति: २०२५-०७-२० , समय : २०:०८:२६ , १ महिना अगाडि