झापा एक्सप्रेस , ३७०९० पटक हेरिएको
शरणामती।झापाको मेचीनगर नगरपालिका वडा नम्बर ६ पुरानो पुलबाट प्रतिबन्धित लागुऔषध ब्राउन सुगर सहित दुई जनालाई प्रहरीले पक्राउ गरेको छ।पक्राउ पर्नेहरुमा कनकाई नगरपालिका-४ का ३२ वर्षीय सनम श्रेष्ठ र २५ वर्षीय सन्दिप कुमाल रहेको प्रहरीले जनाएको छ।
शनीबार करिव १३.४५ बजेको समयमा इ.प्र.का.काकड्भिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलिले भारतबाट नेपाल तर्फ आउँदै गरेका उनीहरु माथी शंका लागी चेकजाँच गर्दा सन्दिप कुमालको साथबाट प्रतिबन्धित लागुऔषध खैरो हिरोईन जस्तो देखिने लिसाईलो पदार्थ ६ ग्राम फेला परेको र निजहरुको साथमा रहेको ३ थान मोबाइल समेत नियन्त्रणमा लिएको प्रहरीले बताएको छ।
पक्राउ परेका उनीहरु बारे थप अनुसन्धान भइरहेको जिल्ला प्रहरी कार्यालय झापाले जनाएको छ।
प्रकाशित मिति: २०२२-०७-२३ , समय : २०:३१:२३ , २ वर्ष अगाडि