झापा एक्सप्रेस , १९४८७२ पटक हेरिएको
“विदेश जानु सपना हो, तर त्यो सपना सुरक्षित रहनुपर्छ।” यस्तै सन्देश बोकेको एक कार्यक्रम आइतबार झापा गाउँपालिका-२ झापा बजारस्थित रेडक्रस सभाहलमा सम्पन्न भएको छ।
झापा जेसीसको आयोजनामा “सुरक्षित आप्रवासन तथा मानव बेचबिखनविरुद्धको जनचेतनामूलक कार्यक्रम” स्थानीय युवाहरू, अभिभावक तथा सरोकारवाला निकायहरूको बाक्लो उपस्थिति बीच सम्पन्न भएको हो।
कार्यक्रमकी प्रमुख अतिथि झापा गाउँपालिकाकी कार्यवाहक अध्यक्ष अन्जु देवी थपलियाले आप्रवासन जस्ता संवेदनशील विषयमा युवालाई सजग बनाउने यस्ता अभियान आवश्यक र समयसापेक्ष भएको बताइन्। “वास्तविक जानकारी र सजगतामात्रै मानव बेचबिखनविरुद्धको पहिलो कदम हो,” उनले भनिन्।
झापा जेसीसका अध्यक्ष डा. मुकेश कुमार शाहले युवाहरूलाई समाज रूपान्तरणको मुख्य कड़ीका रूपमा प्रस्तुत गर्दै, “जब युवाहरू सचेत बन्छन्, समाजबाट नकारात्मक प्रवृत्तिहरू स्वतः हट्छन्,” भन्ने धारणा राखे।
कार्यक्रमको संचालन झापा जेसीसका महासचिव रोहित कुमार पोद्दारले गरेका थिए। कार्यक्रमले मानव बेचबिखनको जोखिम, सुरक्षित आप्रवासनका उपाय र सामाजिक भूमिका बारे सहभागीहरूमा स्पष्ट र सशक्त सन्देश प्रवाह गरेको थियो।
उक्त कार्यक्रम कारितास नेपालको सहकार्यमा सम्पन्न भएको हो। आयोजक संस्थाले यस्ता अभियानलाई आगामी दिनहरूमा पनि निरन्तरता दिने प्रतिबद्धता जनाएको छ।
Ask ChatGPT
प्रकाशित मिति: २०२५-०७-२८ , समय : २०:१९:४९ , १ महिना अगाडि