झापा एक्सप्रेस , १२७९६ पटक हेरिएको
शरणामती।कनकाई नगरपालिका-३ सुरुङ्गामा महाकवि लक्ष्मीप्रसाद देवकोटाको स्मृतिमा उनको परिचर्चा गरिएको छ ।
कनकाई प्रतिभा प्रतिष्ठानको आयोजनामा कनकाई बहुमुखी क्याम्पसको सभाहलमा शनिबार भएको नियमित मासिक साहित्य गोष्ठीमा देवकोटाको स्मरण गर्दै उनको परिचर्चा गर्नुका साथै साहित्य श्रष्ठाहरुले साहित्यिक प्रस्तुती दिएका थिए।
कार्यक्रममा हरिप्रसाद न्यौपाने,डिल्लीराज नेपाल,प्रकाश गौतम,इन्द्रप्रसाद कटुवाल लगायतका साहित्यकारहरुले महाकवीलाई स्मरण गर्दै साहित्यीक शृजना प्रस्तुत गरेका थिए।
कोमलप्रसाद पोखरेलले कार्यक्रमको औचित्य माथी प्रकाश पारेका थिए।कार्यक्रममा विद्यार्थी मिरा प्रधान,धनकुटे कान्छा लगायतले महाकवी देवकोटा विषयक परिचर्चा गरेका थिए।कार्यक्रममा हरिप्रसाद उप्रेती,हेम अधिकारी लगायतले शुभकामना मन्तव्य राखेका थिए।
साहित्यकार प्रेम न्यौपानेले सञ्चालन गरेको कार्यक्रममा साहित्यिक गोष्ठीका संयोजक कमला सुबेदी,प्रा.मोहनप्रसाद भण्डारी लगायत साहित्यिक श्रष्ठाहरु र पत्रकारको उपस्थिति रहेको थियो।कार्यक्रमको स्वागत प्रा.दिनेशकुमार तिमसिनाले गरेका थिए।
प्रकाशित मिति: २०२२-११-०५ , समय : १८:२९:०५ , २ वर्ष अगाडि