झापा एक्सप्रेस , २९७५६ पटक हेरिएको
शरणामती।झापा गाउँपालिका वडा नम्बर ३ को वडास्तरीय बाल सञ्जाल समितिको अध्यक्षमा अब्दुल सुभान सर्वसम्मत चयन भएका छन् ।
वडाले आज आइतबार वडा नम्बर ३ को कार्यालयमा एक कार्यक्रमको आयोजना गरि १३ सदस्यीय समिति गठन गरेको छ।वडा नम्बर ३ का वडाध्यक्ष शुभासलाल गणेशको अध्यक्षतामा भएको भेलाले वडा नम्बर ३ को बाल सञ्जालको अध्यक्षमा सुभानलाई सर्वसम्मत चयन गरेको हो।त्यस्तै उपाध्यक्षमा दीक्षा गणेश ,सचिवमा इशान नेपाल,सह-सचिवमा मुस्ताक अली,कोषाध्यक्षमा खुस्बु खातुन र सदस्यहरुमा क्रमस :निमेष थापा ,प्रितीकुमारी गणेश ,शुस्मिता श्रेष्ठ,श्रीस्टी गणेश,सुजन टुडु ,मिक्सा लिम्बु,दिपा बिक र फारीदा खातुन रहेका छन् ।
झापा गाउँपालिका स्तरीय बाल सञ्जालको तदर्थ समितिले वडास्तरीय बाल सञ्जाल गठन प्रक्रिया वडा कार्यालयले ढिलाई नगरे चाडैं सक्ने लक्ष्य लिएको तदर्थ समितिका अध्यक्ष निरञ्जन मैनालीले झापा एक्सप्रेसलाई बताए।´वडा ३, ५,६ र ७ मा गठन गर्यौं उनले भने `वडा कार्यालयले छिटै सहजीकरण गरिदिए बाल दिवसको दिन बृहत कार्यक्रम गर्नलाई सहज हुनेथियो।सबै वडामा वडास्तरीय बाल सञ्जाल गठन गरिसकेपछि सोही पुर्ण साधारण सभाले एक पालिकास्तरीय मुल समिति निर्माण गर्ने मैनालीले जानकारी दिए।
प्रकाशित मिति: २०२२-०९-०४ , समय : २०:३६:३४ , २ वर्ष अगाडि