चेक बाउन्स मुद्दामा कनकाईका एक जना पक्राउ

लिलाराज झापाली , ११२९७  पटक हेरिएको

कनकाई-चेक बाउन्स मुद्दामा कनकाई नगरपालिका ४ का दिलकुमार कार्कीलाई बिहीवार इलाका प्रहरी कार्यालय सुरुङ्गाले पक्राउ गरेको छ।

बिहीबार बिहान साढे ७ बजे सुरुङ्गा बजारबाट इलाका प्रहरी कार्यालय सुुरुङ्गाका प्रहरी प्रमुख मानबहादुुर जिम्बा नेतृत्वको टोलीले कार्कीलाई पक्राउ गरेको हो।

कार्कीलाई अदालतको चेक बाउन्सको मुद्दामा एक वर्ष कैद र एक हजार जरिवानाको सजाय सुुनाइएको छ। अदालतले १० लाख बिगोसमेत माग गरेको छ।

झापा कनकाई नगरपालिका ३ का मीनकुमार प्रधानले कार्कीविरुद्ध चेक बाउन्सको मुद्दा दायर गर्नुभएको थियो। प्रधानलाई कार्कीले बैंकमा पैसा नभएको जान्दाजान्दै १० लाख रुपियाँको चेक दिनुभएको थियो।

प्रकाशित मिति: २०२२-०७-२१ , समय : १९:३२:१४ , २ वर्ष अगाडि