झापा एक्सप्रेस , १२४३९८ पटक हेरिएको
झापा, २०७९ भदौ ९ ।
हरितालिका तीजको अवसरमा झापा गाउँपालिकामा भोलि (भदौ १० गते, मंगलबार) स्थानीय सार्वजनिक बिदा हुने भएको छ ।
झापा गाउँपालिकाले सोमबार एक सूचना जारी गर्दै गाउँपालिकाभित्र रहेका सम्पूर्ण शैक्षिक संस्था, स्वास्थ्य संस्था तथा सरकारी तथा सार्वजनिक कार्यालयहरु भदौ १० गते बन्द रहने जनाएको छ ।
गाउँपालिकाले तीज पर्वले सांस्कृतिक, सामाजिक र पारिवारिक महत्व बोकेको भन्दै यस दिन महिला दिदीबहिनीलाई विशेष सम्मानसहित सार्वजनिक बिदा दिइएको उल्लेख गरेको छ ।
यस अवसरमा स्वदेश तथा विदेशमा रहेका सम्पूर्ण नेपाली आमा, दिदीबहिनीलाई शुभकामना दिंदै गाउँपालिकाले तीजको पर्वले सबैमा आपसी सद्भाव, प्रेम र सहकार्य बढाउने विश्वास व्यक्त गरेको छ ।
प्रकाशित मिति: २०२५-०८-२५ , समय : १८:४९:२८ , ४ दिन अगाडि