झापा एक्सप्रेस , २७७८ पटक हेरिएको
झापा । झापाको झापा गाउँपालिका वडा नम्बर ४ बाट लागू औषधसहित एक जनालाई प्रहरीले पक्राउ गरेको छ। आइतवार साँझ ६ः३० बजेको समयमा इलाका प्रहरी कार्यालय कुमरखोदबाट खटिएको प्रहरी टोलीले शिवसताक्षी नगरपालिका वडा नम्बर ३ धरमपुरका २१ बर्षिय पाण्डे भन्ने थरेन्द्र गुरुङलाई नियन्त्रण लिएको हो ।
गुरुङलाई प्र.१ –०१–०१७ प १७९८ नम्बरको मोटरसाईकलमा भारतबाट नेपालतर्फ आउँदैं गरेको अवस्थामा शंका लागेर रोकी चेकजाँच गर्दा उनको साथबाट लुकाई छिपाई ल्याउँदैं गरेको प्रतिबन्धित लागु–औषध ब्राउन सुगर प्लाष्टिक बाहेक २ ग्राम ५९ मिलीग्राम फेला परेको थियो ।
उक्त लागूऔषध फेला परेसँगै उनलाई मोटरसाइकलसहित नियन्त्रणमा लिएर थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।
प्रकाशित मिति: २०२४-०९-०९ , समय : ०९:०१:२३ , १ महिना अगाडि