झापा एक्सप्रेस , ४२११५ पटक हेरिएको
झापाको झापा गाउँपालिकामा मोटरसाइकल दुर्घटनामा परी एक जनाको मृत्यु भएको छ।झापा -३ फुलगाछी स्थित सुरुङ्गा -झापा बजार सडक खण्डमा मोटरसाइकल दुर्घटनामा परि ५० वर्षिय नजामुदिन मियाँको मृत्यु भएको प्रहरीले जनाएको छ।
प्रहरीका अनुसार आज दिउँसो १२.४५ बजे सुरुङ्गाबाट झापा बजार तर्फ जाँदै गरेको प्र १.०१.०१६ प १६१२ नम्बरको मोटरसाइकल आफै अनियन्त्रित भइ दुर्घटना हुदाँ मोटरसाइकल चालक निजामुदिन मियां र पछाडी सवार मियाँकै २२ वर्षिय छोरा सलमान अलि घाइते भएका थिए।
घाइते दुबै जनालाई उपचारका लागि बिर्ता सिटि अस्पताल बिर्तामोड लगिएकोमा निजामुदिनलाई १.४० बजे मृत घोषित गरिएको थियो।छोरा अलिको भने उपचार भैरहेको प्रहरीले जनाएको छ।
मृतक मियाँले २०७४ को स्थानीय तह निर्वाचनमा वडा नम्बर ३ का निर्वाचित वडासदस्य समेत रहेर ५ वर्ष जनप्रतिनिधिका रुपमा काम गरेका थिए।
प्रकाशित मिति: २०२४-०७-२८ , समय : १९:५०:१९ , १ महिना अगाडि