झापा एक्सप्रेस , ४५८३१ पटक हेरिएको
शरणामती-झापाको झापा गाउँपालिका-६ शरणामतीमा मंगलबार देखी सुरू भएको “शरणामती च्यालेन्ज कप”नकाउट फुटबल प्रतियोगितामा झाटी फुटबल क्लब,मदरगाछ फुटबल क्लब र राइजिंग स्टार फुटबल क्लब शिवगंज विजयी बनेका छन् ।
झापा सेभेन फुटबल क्लब शरणामतीको आयोजनामा जनता माध्यमिक विद्यालयको खेल मैदानमा भएको उद्घाटन खेलमा दहिझोडा फुटबल क्लबलाई शुन्यका विरुद्द एक गोल लगाउदै झाटी फुटबल क्लब विजयी बनेको हो ।त्यस्तै दोस्रो खेलमा कनकाई फुटबल क्लब माइधारलाई एक गोलका विरुद्द दुई गोल लगाउदै मदरगाछ फुटबल क्लब विजयी बनेको छ ।त्यस्तै मंगलबारनै भएको तेस्रो खेलमा आयोजक झापा सेभेनलाई एक गोलका विरुद्द दुई गोल लगाउदै राइजिंग स्टार शिवगंज विजयी बनेको छ ।
च्यालेन्ज कपमा प्रथम पुरस्कार नगद रु २५ हजार र द्वितीय पुरस्कार नगद रु १५ हजार सहित ट्रफी,मेडल र प्रमाणपत्र रहेको आयोजकले जनाएको छ।त्यस्तै प्रतियोगितमा विधागत तर्फ सर्वोत्कृष्ट खेलाडी,उत्कृष्ट गोलकिप्पर,उत्कृष्ट मिडफिल्डर,उत्कृष्ट डिफेन्स र सर्वाधिक गोलकर्ताले समेत पुरस्कार पाउने भएका छन् । 
प्रकाशित मिति: २०२३-०६-२८ , समय : ०८:३०:३५ , १ वर्ष अगाडि