एमालेद्वारा स्थानीय तहको निर्वाचनमा उम्मेदवार सिफारिस र निर्णय गर्ने मापदण्ड पारित

झापा एक्सप्रेस , १२५९८  पटक हेरिएको

नेकपा एमालेले स्थानीय तहको निर्वाचनमा उम्मेदवार सिफारिस र निर्णय गर्ने मापदण्ड पारित गरेको छ ।

आज साँझ बसेको केन्द्रीय सचिवालयको बैठकले उम्मदेवार सिफारिसको मापदण्ड पारित गरेको प्रचार विभाग प्रमुख पृथ्वीसुब्बा गुरुङले जानकारी दिनुभयो ।

नेकपा (एमाले)ले वडाध्यक्ष र सदस्यहरुको सिफारिस वडा कमिटीबाट गर्ने र जिल्ला कमिटीले टिकटको निर्णय गर्ने विधि तय गरेको उहाँले जानकारी दिनुभयो ।

त्यस्तै गाउँपालिका अध्यक्ष र उपाध्यक्ष तथा नगरपालिकाका मेयर र उपमेयरको सिफारिस जिल्ला कमिटीले गर्ने र निर्णय प्रदेश कमिटीले गर्ने निर्णय भएको बताउनु भयो ।

उपमहानगरपालिका र महानगरपालिकाका मेयर तथा उपमेयरको टिकट हकमा केन्द्रबाट दिइने र त्यसको सिफारिस जिल्ला र प्रदेश कमिटीले गर्ने उहाँले जानकारी दिनुभयो ।

प्रकाशित मिति: २०२२-०३-१५ , समय : २२:२६:११ , २ वर्ष अगाडि