झापा एक्सप्रेस , २७५७७ पटक हेरिएको
सांकेतिक तस्बिर
शरणामती-झापाको झापा गाउँपालिकामा ट्याक्टरको ठक्करबाट गम्भीर घाइते बनेका २० वर्षीय अख्तर अलिको मृत्यु भएको छ।
बिर्तामोड बिएण्डसी अस्पतालमा उपचारकै क्रममा राती १०.३० बजे उनको मृत्यु भएको डाक्टरले पुष्टि गरेको पारिवारिक स्रोतले बताएको छ।
झापा-३ स्थीत कत्लामारीको भित्री सडकमा बुधबार करिव १.५० बजे उत्तरबाट दक्षिण तर्फ गइरहेको मे ११ प २८२२ नम्बरको मोटरसाइकललाई सोही दिशाबाट गइरहेको मे १ त ४४१८ नम्बरको ट्याक्टरले पछाडीबाट ठक्कर दिंदा मोटरसाइकल चालक अलि गम्भीर घाइते बनेका थिए।
घाइते अलिको टाउको तथा शरीरमा चोट लागेको थियो।
यता ट्याक्टर चालक ठक्कर पछि फरार रहेका छन् ।खोजीकार्य जारी रहेको प्रहरी जनाएको छ।
प्रकाशित मिति: २०२२-०६-१६ , समय : ०७:१८:५८ , २ वर्ष अगाडि